Marekani yatoa Orodha ya watu 10 wanaotafutwa sana duniani.

Marekani yatoa Orodha ya watu 10 wanaotafutwa sana duniani.

Serikali ya Marekani imetoa orodha ya Picha za watu inayowafauta kwa Udi na Uvumba katika mgongo huu wa Radhi,huko ikidai kuwa ndio watu 10 Hatari ulimwenguni na kuisumbua vichwa vya nchi za Magharibi.

Shirika la upelelezi la Marekani limetoa baadhi ya Orodha hizo za watu 10 wanaotafutwa sana,ingawa baadhi ya Picha hizo haziwezi kuwa zenyewa watu wanaohusishwa,kwani bado hawajawahi kuonekana kwenye vyombo vya habari vya kimataifa.
Katika Orodha hiyo wa Kwanza ni Kiongzoi shupavu wa Tandimul-qaida Dr. Ayman Al Dawahir ambae kichwa chake kama ilivyodai ripoti hiyo ina dhamani ya Dola za Kimarekani milioni 25.

Wengine ni Pamoja na :-
Kiongozi wa Al-qaida katika Rasi au Tawai la Uarabuni Sheikh Nasir Al Huweysh .

-Na Mtu waliyemtaja kuwa Ibrahim Al Asiir ndie mtaalamu wa Kuunda na kutengeneza Mabomu hatari katika Nchi ya Yemen au Mujahidina wa Yemen.

-Kiongozi mkuu wa Harakat Al-Shabab Al Mujahideen Sheikh Mukhtaar Abdurrahman Abu Zubeyr ambae kichwa chake ina dhaman ya dola za Kimarekani Milioni 7 kama ilivyodai ripoti ya wizara ya Ulinzi wa Marekani.

-Kiongozi wa Al-qaida katika Biladul Maghrib Al Islamiah Mukhtaar Bal Haji ambae wamesema Kichwa chake kina dhamani ya Dola za Kimarekani milioni 5.
-Kiongozi wa Jabhat Al Nusra Al Islamiah Sheikh Mohamed Jowlani nchini Syria.

-Kiongozi mkuu wa Dola ya Kislaam ya Iraq na Shaam Sheikh Abu Bakar Al Baghdadi ambae ilisema ripoti ya Washington kuwa kichwa chake kina dhamani ya Dola za Kimarekani Milioni 10.

Kiongozi wa Shirika la Haqani ambae iko chini ya Imaratul Islamiah ya Afghanistaan ambae nae wamesema anadhamni ya Dola za Kimarekani Milioni 5.

-Kiongozi Mkuu wa Wapiaganji wa Nigeria Ahlu Sunna Lida'watu Wal Qitaal Sheikh Abu Bakar Shekow ambae wametangaza dau ya Dola za Kimarekani Milioni 7.

-Kiongozi wa Mujahidna wa Nchi ya Shiishan/Chechnia Sheikh Doko Camarov nae ana dau ya Dola za Kimarekani milioni 5.

Marekani yatoa Orodha ya watu 10 wanaotafutwa sana duniani.

Marekani yatoa Orodha ya watu 10 wanaotafutwa sana duniani.

Serikali ya Marekani imetoa orodha ya Picha za watu inayowafauta kwa Udi na Uvumba katika mgongo huu wa Radhi,huko ikidai kuwa ndio watu 10 Hatari ulimwenguni na kuisumbua vichwa vya nchi za Magharibi.

Shirika la upelelezi la Marekani limetoa baadhi ya Orodha hizo za watu 10 wanaotafutwa sana,ingawa baadhi ya Picha hizo haziwezi kuwa zenyewa watu wanaohusishwa,kwani bado hawajawahi kuonekana kwenye vyombo vya habari vya kimataifa.
Katika Orodha hiyo wa Kwanza ni Kiongzoi shupavu wa Tandimul-qaida Dr. Ayman Al Dawahir ambae kichwa chake kama ilivyodai ripoti hiyo ina dhamani ya Dola za Kimarekani milioni 25.

Wengine ni Pamoja na :-
Kiongozi wa Al-qaida katika Rasi au Tawai la Uarabuni Sheikh Nasir Al Huweysh .

-Na Mtu waliyemtaja kuwa Ibrahim Al Asiir ndie mtaalamu wa Kuunda na kutengeneza Mabomu hatari katika Nchi ya Yemen au Mujahidina wa Yemen.

-Kiongozi mkuu wa Harakat Al-Shabab Al Mujahideen Sheikh Mukhtaar Abdurrahman Abu Zubeyr ambae kichwa chake ina dhaman ya dola za Kimarekani Milioni 7 kama ilivyodai ripoti ya wizara ya Ulinzi wa Marekani.

-Kiongozi wa Al-qaida katika Biladul Maghrib Al Islamiah Mukhtaar Bal Haji ambae wamesema Kichwa chake kina dhamani ya Dola za Kimarekani milioni 5.
-Kiongozi wa Jabhat Al Nusra Al Islamiah Sheikh Mohamed Jowlani nchini Syria.

-Kiongozi mkuu wa Dola ya Kislaam ya Iraq na Shaam Sheikh Abu Bakar Al Baghdadi ambae ilisema ripoti ya Washington kuwa kichwa chake kina dhamani ya Dola za Kimarekani Milioni 10.

Kiongozi wa Shirika la Haqani ambae iko chini ya Imaratul Islamiah ya Afghanistaan ambae nae wamesema anadhamni ya Dola za Kimarekani Milioni 5.

-Kiongozi Mkuu wa Wapiaganji wa Nigeria Ahlu Sunna Lida'watu Wal Qitaal Sheikh Abu Bakar Shekow ambae wametangaza dau ya Dola za Kimarekani Milioni 7.

-Kiongozi wa Mujahidna wa Nchi ya Shiishan/Chechnia Sheikh Doko Camarov nae ana dau ya Dola za Kimarekani milioni 5.

FADIHLA YA KUDUMU KATIKA TAUHIDI (KUMPOKESHA MWENYEZI MUNGU)

Shukrani za dhati ni kwa Mola Mkarimu. Rehma na amani zimfikie Mtume Muhammad. Tutazungumzia katika khutba hii mambo yafuatayo:- kubainisha umuhimu wa Tawhidi na fadhila zake, kubainisha kwamba Tawhidi ni sababu ya kuokoka mwanadamu siku ya kiama na pia kubainisha kwamba Tawhidi ni sababu ya kuondoshewa balaa na fitna vile vile nibainishe umuhimu mkubwa wa kujifundisha Tawhidi na shirki kwa aina zake.

Ama baada ya haya, Tawhidi ni msingi mkubwa ambao Mwenyezi Mungu amewaumba majini na watu kwa ajili yake. Kwani Mwenyezi Mungu hakuwaumba majini na watu isipokuwa kwa kumuabudu yeye.

قال تعالى : {وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ} [الذاريات : 56]  .

 Amesema  Mola (Subhaanahu wa Taala) : {{Sikuwaumba majini na watu isipokuwa waniabudu}} [Addhariyati : 56].

Ndugu katika imani na wausia kumcha Mwenyezi Mungu kwa siri na kwa dhahiri na jueni ya kwamba moyo wa Muislamu hauwi mzuri isipokuwa kwa Tawhidi. Kwani Tawhidi ni jambo kubwa.  Allah (Subhaanahu wa Taala) Amelibainisha katika kitabu chake na pia Mtume, rehma na amani zimfikie ameliweka wazi katika hadithi zake tukufu.Tawhidi ni jambo ambalo hawezi kuokoka mtu yoyote duniani na kesho Akhera ila alikamilishe jambo hilo la kumpwekesha Mwenyezi Mungu na kutomshirikisha na chochote. Amesema Mtume (Swala Llahu ‘alayhi wasallam): [Atakaye kufa na akijua ya kwamba hapana Mola apasaye kuabudiwa kwa haki isipokuwa Mwenyezi Mungu ataingia peponi].

Umuhimu wa Tawhidi

1)Tawhidi ni jambo bora sana, na kwa sababu hii Allah (Subhaanahu wa Taala) Ameshuhudia kwa nafsi yake vile vile Malaika wameshuhudia na pia waliopewa ilimu. Na hii ni kuonesha ubora wa jambo hili la Tawhidi. Jambo Amelishuhudilia Mwenyezi Mungu (Subhaanahu wa Taala), wakashuhudia Malaika watukufu na pia wanadamu watukufu na watu waliopewa ilimu.

قال تعالى : {شَهِدَ اللَّهُ أَنَّهُ لَا إِلَهَ إِلَّا هُوَ وَالْمَلَائِكَةُ وَأُولُو الْعِلْمِ قَائِمًا بِالْقِسْطِ لَا إِلَهَ إِلَّا هُوَ الْعَزِيزُ الْحَكِيمُ} [ال عمران :  18].

Amesema Mwenyezi Mungu (Subhaanahu wa Taala): {{ Ameshuhudia Mwenyezi Mungu ya kwamba hapana mola apasaye kuabudiwa kwa haki isipokuwa yeye na Malaika na pia waliopewa ilimu,hapana Mola apasaye kuabudiwa kwa haki isipokuwa yeye Mwenye nguvu Mwenye hekima}} [Al-Imran : 18 ].

2) Miongoni mwa  umuhimu wa Tawhidi ni kwamba Mtume (Swalla Llahu ‘alayhi wasallam) Alilingania  Tawhidi kuanzia mwanzo wa ulinganizi wake hadi mwisho wa uhai wake, bali Mitume wote walilingania hivyo.

3) Pia tunapata katika sira ya Mtume (Swalla Llahu ‘alayhi wasallam) ya kwamba alipokuwa akituma maswahaba kwenda kulingania katika sehemu fulani huwausia kwanza kuwalingania Tawhidi.

4) Miongoni mwa umuhimu wa Tawhidi ni kwamba mwenye kushikamana na Tawhidi husamehewa dhambi zake na anaepushwa kukaa motoni.

5) Mwenye kushikamana na Tawhidi huwa karibu zaidi na Mwenyezi Mungu na pia hupata amani kamili na uongofu hapa duniani na kesho akhera.

قال تعالى : {الَّذِينَ آَمَنُوا وَلَمْ يَلْبِسُوا إِيمَانَهُمْ بِظُلْمٍ أُولَئِكَ لَهُمُ الْأَمْنُ وَهُمْ مُهْتَدُونَ} [الأنعام : 82]

Amesema Mola (Subhaanahu wa Taala): {{ Wale walioamini na wasichangane imani zao na dhulma  watapata amani na wataongoka}} [Al-Anaam : 82]. Kwa mujibu wa Aya hii ni kwamba Muislamu anayeshikamana na Tawhidi atakuwa na amani hababaiki hapa duniani yuwajua litakalompata hapa duniani ni kadari ya Mola (Subhaanahu wa Taala) na kuwa atapata amani kesho akhera.

Bila ya kusahau kuwa endapo waumini watashikamana na tauhudi wataondoshewa balaa na fitna kesho akhera.  Amesema Mtume (Swalla Llahu ‘alayhi wasallam): [Anayeshuhudia ya kwamba hapana Mola apasaye kuabudiwa kwa haki isipokuwa yeye asiyekuwa na mshirika na Muhammad ni Mtume wa Mwenyezi Mungu na kwamba Nabii Isa ni mja wa Mwenyezi Mungu na Mtume wake na neno lake alilolitia kwa Mariam na roho kutoka  kwake na pepo ni haki na moto ni haki Mwenyezi Mungu atamwingiza peponi kulingana na amali].

Ni vyema niwatajie mifano ya ambao waliepushiwa balaa na fitna.Tutoe mfano katika Mitume walioepushiwa balaa na fitna ni Nabii Ibrahiim pale walipokuwa watu wake wanataka kumchoma Mwenyezi Mungu Alimwokoa kwa kuuambia moto: “Ewe moto kuwa baridi na salama kwa Ibrahim” na ikawa kama alivyotaka Mwenyezi Mungu (Subhaanahu wa Taala). Na Mtume mwengine ni Nabii Lut pale Mwenyezi Mungu Alipowaangamiza watu wake na kumwokoa yeye na waliomwamini yeye na mifano ya walioepushiwa balaa na fitna ni mingi na sababu ya kuepushiwa balaa ni kwa sababu ya kushikamana kwao na Tawhidi. Enyi waumin! Napenda kutaja bali kufafanua japokuwa kwa uchache aina za Tawhidi.

Aina ya Tawhidi:

(1)Tawhidi ya vitendo vya Mwenyezi Mungu nayo ni kumpwekesha Yeye  katika uumbaji na uendeshaji wa mambo ya viumbe, na hashirikiani na yoyote katika hilo yoyote.

قال تعالى : {اللَّهُ الَّذِي خَلَقَ السَّمَاوَاتِ وَالْأَرْضَ وَأَنْزَلَ مِنَ السَّمَاءِ مَاءً فَأَخْرَجَ بِهِ مِنَ الثَّمَرَاتِ رِزْقًا لَكُمْ وَسَخَّرَ لَكُمُ الْفُلْكَ لِتَجْرِيَ فِي الْبَحْرِ بِأَمْرِهِ وَسَخَّرَ لَكُمُ الْأَنْهَارَ} [إبراهيم 32  ].

Amesema Mola (Subhaanahu wa Taala):  {{ Mwenyezi Mungu ndiye aliyeumba mbingu na ardhi na ameteresha kutoka mawinguni maji akatoa kwa maji hayo mazao hali yakuwa ni riziki kweni  nyinyi na akawadhalilishia majahazi ili yapite katika bahari kwa amri yake, na akawadhalilishia nyinyi mito ya maji}  [Ibrahim: 32 ].

(2)Tawhidi aina ya kumpwekesha Mwenyezi Mungu katika ibada. Maana  ya maneno haya ni kwamba Mwenyezi Mungu Ndiye Anayefaa kuabudiwa.     

قال تعالى : {إِيَّاكَ نَعْبُدُ وَإِيَّاكَ نَسْتَعِينُ} [الفاتحة : 5]

Asema Mola (Subhaanahu wa Taala): {{ Ni wewe tu tunakuabudu na kwako wewe peke yako tunataka msaada}} [Al-Faatiha : 5].

(3)Tawhidi ya kumpwekesha Mwenyezi Mungu katika Sifa Zake na majina yake. Maana yake ni kwamba Mwenyezi Mungu hafanani na yoyote katika Sifa Zake na majina.Wala hafai yoyote kujifananisha wala kumfananisha yoyote na Mwenyezi Mungu katika sifa au majina yake kwani hana mfano wa yoyote.  

قال تعالى : قُلْ هُوَ اللَّهُ أَحَدٌ ﭕ اللَّهُ الصَّمَدُ ﭘ لَمْ يَلِدْ وَلَمْ يُولَدْ ﭝ وَلَمْ يَكُنْ لَهُ كُفُوًا أَحَدٌ ﭣ}    [الإخلاص : 1 – 4].

Amesema Mwenyezi Mungu (Subhaanahu wa Taala): {{ Sema;  Mwenyezi Mungu ni mmoja Mwenyezi Mungu Ndiye Anayetakwa msaada, hakuzaa wala hakuzaliwa na Hana mfano Wake yoyote}} [Al-Ikhlas 1  -  4].

Aina zote za Tawhidi ni lazima kwa Muislamu azijue na azitumie katika maisha yake na hii ni kwa faida ya Muislamu. Na endapo mtu ataenda kinyume na aina hizi za Tawhidi basi ameshajitia matatizo duniani na kesho akhera, kwani Mwenyezi Mungu hamsamehe anayekufa katika shirki bila yakutubai.

قال تعالى : {إِنَّ اللَّهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ لِمَنْ يَشَاءُ وَمَنْ يُشْرِكْ بِاللَّهِ فَقَدْ ضَلَّ ضَلَالًا بَعِيدًا} [النساء : 116].

 Amesema Mola (Subhaanahu wa Taala): {{ Hakika Mwenyezi Mungu hamsamehe anayemshirikisha na Anamsamehe isiyokuwa shirki kwa anayemtaka }} [An-Nisaa : 116].

Enyi ndugu katika imani!Napenda kuchukua fursa hii kutaja mambo ambayo yanakwenda kinyume na Tawhidi. Mambo ambayo anatakiwa Muislamu ayajue na ajiepushe nayo baada ya kuyajua. Mshairi amesema:"Nimeijua shari si kwa ajili ya kuifanya, lakini kwa ajili ya kuiepuka na asiyejua kheri kutokamana na shari ataingia katika shari hiyo."

Mambo yanayo Haribu Tawhidi

Miongoni mwa mambo ambayo yanatakiwa ajitahadhari nayo yasije yakamtia katika matatizo dunaini na siku ya kiama. Miongoni mwa mambo hayo:-

-  Ushirikina kwa aina zake zote. Kwani shirki kubwa inafutilia mbali imani. Na shirki ndogo ina punguza ukamilifu wa Tawhidi.Na  mfano wa shirki ni kumuomba  asiyekuwa Mwenyezi Mungu jambo ambalo hana uwezo nalo isipokuwa Mwenyezi Mungu. Na katika shirki kubwa ambayo tunayaona leo ni kufanya tawaf kunyenyekea makaburi, kwenda kwa waganga na wachawi bali kuyaamini yote wanayoyasema kwa kudai mambo yaliofichika, na uhakika ni kwamba hakuna anayejuwa yaliofichika isipokuwa Mwenyezi Mungu na hakuna anayeweza kuleta madhara kumpata mtu isipokuwa Mwenyezi Mungu na hakuna anayeweza kuzuia kheri Akitaka Mwenyezi Mungu kuleta kheri hiyo.

قال تعالى : {وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدِيرٌ} [الأنعام : 17].

Amesema Mola (Subhaanahu wa Taala): {{ Na Mwenyezi Mungu Akimpa mtu mtihani wa madhara (ugonjwa) hakuna Anayeweza kuuondoa isipokuwa yeye na akimpa neema (siha nzuri utajiri) hakuna awezaye kuiondosha kheri hiyo isipokuwa Mwenyezi Mungu }} [ Al-Anaam : 17]. Kwa hivyo,  tujue ya kwamba Mwenyezi Mungu  Ndiye anayeleta manufaa na madhara, na kwa sababu hiyo yatakiwa Mwenyezi Mungu aogopewe haki ya kuogopewa.

-  Na aina za shirki ni mtu kuomba dua kumuomba mtu jambo ambalo hakuna awezaye kulifanya isipokuwa Mwenyezi Mungu kama kuondoa ugonjwa. Huku tukijua ya kwamba dua ni ibada, kwa hivyo,  ibada hiyo ya dua haifai kufanyiwa asiyekuwa Mwenyezi Mungu.

-  Aina nyingine ya shirki kubwa ni ushirikina katika nia na makusudio, hii ni  mtu kunuwia au kufanya ibada kwa kutaka au kukusudia mambo ya kidunia au wamuone kwamba yuwafanya ibada au watu wamsikie au apate sifa kwa watu.

قال تعالى : {مَنْ كَانَ يُرِيدُ الْحَيَاةَ الدُّنْيَا وَزِينَتَهَا نُوَفِّ إِلَيْهِمْ أَعْمَالَهُمْ فِيهَا وَهُمْ فِيهَا لَا يُبْخَسُونَ ﮅ أُولَئِكَ الَّذِينَ لَيْسَ لَهُمْ فِي الْآَخِرَةِ إِلَّا النَّارُ وَحَبِطَ مَا صَنَعُوا فِيهَا وَبَاطِلٌ مَا كَانُوا يَعْمَلُونَ  ﮗ}

[هود : 15 – 16].

Amesema Mola (Subhaanahu wa Taala): {{Anayetaka uhai wa dunia na mapambo yake tutawapa malipo ya amali zao hapa duniani na hawatapunguziwa kitu, hao ni wale ambaye hawatakuwa na chochote kesho akhera isipokuwa moto na yatabatilishwa yote waliyoyafanya na ni batili yote ambayo walikuwa wakiyafanya}} [Huud : 15 - 16]. Haya ni malipo ya wanaofanya ibada kwa ajili ya   kuonekana na watu na kwa ajili ya dunia.

-  Aina nyingine ni shirki ya kutii viongozi wa dini kinyume na miongozo sahihi ya Uislamu katika kuhalalisha vilivyoharamishwa na Mwenyezi Mungu (Subhaanahu wa Taala).

قال تعالى : {اتَّخَذُوا أَحْبَارَهُمْ وَرُهْبَانَهُمْ أَرْبَابًا مِنْ دُونِ اللَّهِ}    [التوبة : 31].

 Amesema kuwatii wanaohalalisha vilivyoharamishwa: {{Wamewafanya wanavyuoni wao na wafanya ibada ni miungu kinyume}} [Tawba : 31]. Mtume (Swalla Llahu ‘alayhi wasallam)  Alimfasiria Adiy  bin Hatiim ibada yenu kwao ni kumtii katika kumuasi Mwenyezi  Mungu (Subhaanahu wa Taala).

Aina za Shirki:

-   Aina nyingine ya shirki ni kumpenda mtu au kitu zaidi kuliko Mwenyezi Mungu tena katika hali ya kumtukuza au kukitukuza kitu kile na kukidhalilikia.Na pindi mapenzi haya yafanyiwa asiyekuwa Mwenyezi Mungu basi ni shirki.

قال تعالى : {وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَادًا يُحِبُّونَهُمْ كَحُبِّ اللَّهِ وَالَّذِينَ آَمَنُوا أَشَدُّ حُبًّا لِلَّهِ   } [البقرة : 165].

Amesema Mwenyezi Mungu (Subhaanahu wa Taala): "Na katika watu wanawafanya wasiokuwa Mwenyezi Mungu kuwa wanavyompenda Mwenyezi Mungu  na hakika walioamini wanampenda zaidi Mwenyezi Mungu}} [Al-Baqara : 165].

Jueni ndugu katika imani kwamba ukubwa wa dhambi la shirki kwani Mwenyezi Mungu hamsamehe anayemshiriksha endapo atafariki na dhambi hizo bila kumtaka yeye msamaha kwa kuwa Mola (Subhaanahu wa Taala) haridhii isipokuwa Tawhidi na pia haisamehe shirki. Kwa hivyo,  adhabu ya mshirikina ni kubwa na atapata udhalilifu hapa duniani kabla ya kuadhibiwa kesho akhera.

قال تعالى :  { إِنَّهُ مَنْ يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنْصَارٍ}     [المائدة:72].

Amesema Mola (Subhaanahu wa Taala): {{Hakika mwenye kumshirikisha Mwenyezi Mungu amemuharamisha pepo na makazi yake ni motoni na hawatapata madhalimu wenye kuwasaidia}} [Al-Maaidah : 72].

Napenda tujiuze maswali yafuatayo;

1-  Ni nani katika sisi hataki usalama duniani na kesho akhera?

2-  Ni nani kati yetu hataki kuingia peponi bila ya hesabu?

3-  Ni nani kati yetu hataki kupata uhai mzuri duniani na kuokoka siku ambayo haitofaa mtu mali yake wala watoto isipokuwa atayenda kwa Mwenyezi Mungu kwa moyo uliyosalimika na madhambi?

Jawabu la maswali tuliyoyauliza kuitekeleza Tawhidi katika maisha yake yote. Kubwa linalotakiwa ni mtu kujifundisha mambo yanayofungamana na Tawhidi vizuri kuyatilia umuhimu mkubwa katika maisha yake kwa kusoma vitabu vya Tawhidi na kusikiliza darasa za wanavyuoni walioshikamana na Tawhidi na sunna, kwani kufanya hivyo ni nuru katika nyoyo. Na vile vile kuvisoma vitabu vya Tawhidi ili kujua Tawhidi ni nini Tawhidi,sababu za shirki,hukmu za shirki na dalili za hukumu za shirki hizo, kuyajuwa hayo ni mwangaza ili mtu asibaki katika giza la shirki, na Tawhidi pia hutengeneza moyo wa mtu na jamii kwa jumla.

Enyi ndugu katika imani! Msihadaike na dunia na kuipuuza Tawhidi iliyokusanya kila kitu na kila mafanikio duniani na kesho akhera na kwa ajili ya Tawhidi wametumlizwa Mitume wote na kuumbwa pepo na moto. Nawausia ndugu zangu Waislamu mulipe suala hili la Tawhidi kipaumbele katika maisha yetu, na muikabili Tawhidi kwa nia njema na nia ya kweli. Na haifai kulipuuza kwa hali yoyote kwani atayelipuuza suala hili yuko katika hatari kubwa duniani na vile vile kesho akhera.

Mwisho

Twamshukuru Mungu tumegusia nukta muhimu kwa kubainisha umuhimu wa Tawhidi na kwamba Tawhidi ni sababu kubwa ya kuokoka mwanadamu siku ya kiama kupata msamaha pia tukabainisha kwamba Tawhidi ni sababu ya kuondoshewa balaa na fitna na mwisho tumebainisha umuhimu wa kujifundisha Tawhidi na shirki kwa aina zake.

Tunamuomba Mwenyezi Mungu Azitengeneze nia zetu katika vitendo vya kila siku na azitengeneze ibada zetu za kwa jumla, pia Aitengeneze Dini yetu na dunia yetu kwani yeye ni muweza wa kila kitu.

TAHADHARI NA KUTELEZA KWA ULIMI

Ulimi ni kiungo muhimu katika mwili wa mwanadamu. Ulimi ni neema kubwa miongoni mwa neema alizo neemeshwa mwanadamu na  Allah (Subhaanahu  wa Taala). Kiungo hiki ni silaha yenye makali mawili, silaha ya kusababisha mwanadamu kufaulu hapa duniani na kesho Akhera, au ni silaha ya kumuangamiza mwanadamu hapa duniani na kesho akhera.

Kumcha Mwenyezi Mungu ni njia ya kuokoka duniani na kesho akhera Amesema Mwenyezi Mungu (Subhaanahu wa Taala):

قال تعالي : {وَمَنْ يَتَّقِ اللَّهَ يَجْعَلْ لَهُ مَخْرَجًا ﮠ وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا ﯚ} [الطلاق:3:2].

{{ Na anayemuogopa Mwenyezi Mungu humtengenezea njia ya kuokoka (na kila balaa). Na humpa riziki kwa namna asiyotizamia, na anayemtegemea Mwenyezi Mungu Yeye humtoshea. Kwa yakini Mwenyezi Mungu amekwisha kiweka kila kitu kipimo chake}}. Na Mwenyezi Mungu (Subhaanahu wa Taala) ni mjuzi wa kila kitu na hapitiwi na kitu chochote kilichoko mbinguni na ardhini. Tahadhari juu yetu kufanya jambo lisilomridhisha.

Amesema Mwenyezi Mungu (Subhaanahu wa Taala) ushahidi juu ya yaliyopita:

وقوله : {وَسِعَ رَبِّي كُلَّ شَيْءٍ عِلْمًا أَفَلَا تَتَذَكَّرُونَ ﯱ} [الأنعام: 80 ].

{{ Mola wangu anakijua vyema kila kitu. Basi je, hamsikii mawaidha (hamzinduki)}}.

Ulimi ni neema aliompa Mwenyezi Mungu mja wake.

Amesema Mwenyezi

        قال تعالي : {أَلَمْ نَجْعَلْ لَهُ عَيْنَيْنِ ﮜ وَلِسَانًا وَشَفَتَيْنِ ﮟ وَهَدَيْنَاهُ النَّجْدَيْنِ ﮢ} [البلد: 8 ]

{{ Je hatukumpa macho mawili ? na Ulimi na Midomo miwili. Na tukambainishia zote njia mbili (iliyo njema na iliyo mbya) }}. Maiti wangapi wamesababisha vifo vyao kwa ajili ya ndimi zao. Je hawatatupwa watu motoni isipokuwa kwa mavuno ya ndimi zao. Inapasa kwa muumini kuhifadhi ulimi wake kwa hali yoyote ile na kujiepusha na kila ambalo linapingana na sheria, mfano wa kusengenya.  Amesema Mwenyezi Mungu (Subhaanahu wa Taala):

قال الله تعالي: {وَلَا يَغْتَبْ بَعْضُكُمْ بعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا} [الحُجُرات:12].

{{ Wala baadhi yenu wasiwasengenye wengine. Je Mmoja wenu anapenda kula nyama ya nduguye aliyekufa? La, Hampendi}}.  Imepokewa na Barzah al-Aslamy Amesema Mtume (Swalla Llahu ‘alayhi wasallam):  [ Enyi mlioamini,  kwa ndimi zenu, wala imani haijaingia katika vifua vyenu msiwasengenye Waislamu, wala msichunguze aibu zao na mwenye kuchunguza aibu ya muislamu Mwenyezi Mungu atafunua aibu yake na kumfedhehesha mbele ya watu].

Kuhadharishwa juu ya Fitna:

 Hadithi imepokewa na Ibn ‘Abass kuwa Mtume (Swalla Llahu ‘alayhi wasallam) alipita katika makaburi mawili akasema: [ Maiti hawa wawili wanaadhibiwa wala hawaadhibiwi kwa jambo kubwa, mmoja wao alikuwa hajisafishi anapokojoa na mwengine alikuwa akieneza fitna].

Mtume (Swalla Llahu ‘alayhi wasallam) Kutilia umuhimu kuhifadhi Ulimi

Kuhifadhi ulimi ndiko kumiliki kheri zote.  Amepokea hadithi Mu’adh Ibn Jabal kuwa Mtume (Swalla Llahu ‘alayhi wasallam) Amesema: Je nisikujuze kwa mambo yote hayo zuia ulimi wako (chunga ulimi wako).  Akasema. Mu’adh: Je tutahisabiwa kwa tunachokizungumza.  Mtume akashangaa na kumuambia:  Je hawatupwi watu motoni ila kwa mavuno ya ndimi zao”.  Na alikuwa Mtume (Swalla Llahu ‘alayhi wasallam) akiwahimiza wake zake kujihifadhi na maneno yasiomridhisha Mwenyezi Mungu. Imepokewa na ‘Aisha nimemuambia Mtume (Swalla Llahu ‘alayhi wasallam) tosheka na bibi Safia kwa jambo kadha na kadha akimaanisha ya kuwa ni mfupi Mtume akamuambia: [Umetamka neno ambalo kwamba likichanganywa na maji ya baharini litachanganyika].

 Hali ya Waislamu Leo kupuuza kuhifadhi Ndimi Zao

Inapatikana katika hali zifuatazo:

1-    Maneno yasiokuwa na faida

2-    Kuingilia jambo lisilo kuhusu.

3-    Kuingilia heshima za Waislamu.

4-    Ulimi mchafu

5-    Kuomboleza katika msiba.

Ushahidi wa mambo yaliyopita amehutubu na akarefusha maneno yake mbele ya ‘Umar akasema ‘Umar kurefusha maneno ni ya shetani. Na imepokewa hadith’ kutoka kwa Abu Hureira, Mtume (Swalla Llahu ‘alayhi wasallam) Amesema: [Muislamu bora ni yule asiyeingilia mambo ya watu, na kuingilia heshima za Waislamu ni katika sifa za wanafiki]. Amesema Mtume (Swalla Llahu ‘alayhi wasallam): [Ni haramu kwa ndugu yako Muislamu damu yake, heshima yake na mali yake, Muislamu ndugu yake ni Muislamu hamdhulumu wala hamkhini na akashiria katika kifua chake taqwa ni kwenye moyo]. Maneno machafu yaliyoenea katika jamii ya kiislamu leo huenda kuwa sababu kubwa ni vyombo vya habari.  Amesema Mtume (Swalla Llahu ‘alayhi wasallam): [ Hapana kitu kizito katika mizani siku ya kiyama kama tabia nzuri na Mwenyezi Mungu anachukia maneno mabaya].

Ama kuomboleza katika msiba ni jambo la kijahilia ambalo limekatazwa, na tumeamrishwa tusubiri pindi tu tunapopatikana na msiba. Mtume (Swalla Llahu ‘alayhi wasallam) alipita kwenye kaburi na akamuona mwanamke analia akamuambia muogope Mwenyezi Mungu na usubiri, mwanamke akajibu hujali kilichonisibu wala hakujua kwamba anayejibizana nae kuwa ni Mtume (Swalla Llahu ‘alayhi wasallam) akamwambia hakika ya subira ni katika tukio la Mwanzo.

Tahadhari Kueneza Uongo kwa Watu

Imepokewa hadithi kutoka kwa Mtume (Swalla Llahu ‘alayhi wasallam) akisema: [ Tahadharini na muongo, kwani uongo unapeleka kwa uovu, na uovu unapeleka mtu kuingia motoni, na mtu anasema uongo mpaka anaandikwa mbele ya Mwenyezi Mungu kuwa ni muongo]. Na Akasema tena Mtume (Swalla Llahu ‘alayhi wasallam) : [ Uongo haufai hata kwa dhihaka]. Wala kuahidi mtu mtoto wake wala asimtimizie. Amesema Mwenyezi Mungu (Subhaanahu wa Taala)  kuamrisha waumini kuwa imara katika kupokea habari:

  قال الله تعالي: {يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﭰ} [الحُجُرات: 6].

{[ Enyi mlioamini, kama fasiki akikujieni na habari yoyote msimkubalie tu, bali pelelezeni kwanza, msije mkawadhuru watu kwa ujahili na mkawa wenye kujuta juu ya yale mliyoyatenda}}.

Mwenyezi Mungu pamoja na Malaika wake wanaandika wanachozungumza mwanadamu. Na wao wanahifadhi amali zote za kheri na shari.  Amesema Mwenyezi Mungu (Subhaanahu wa Taala):

  قال الله تعالي: {وَإِنَّ عَلَيْكُمْ لَحَافِظِينَ ﮂ كِرَامًا كَاتِبِينَ ﮅ يَعْلَمُونَ مَا تَفْعَلُونَ ﮉ} [الانفطار:12:10] 

{{Na hakika juu yenu kuna wenye kuwatunza. Watukufu wenye kuandika. Wanayajua yote mnayoyatenda}}.

Na Neno lake Mwenyezi Mungu (Subhaanahu wa Taala):

  وقوله: {إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ ﭩ مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ﭲ} [ق:18:17].

 {{Wanapopokea wapokeaji wawili, anayekaa kuliani na anayekaa kushotoni. Hutoi kauli yoyote isipokuwa karibu naye yuko mngojeaji tayari (kuandika)}}.

Amepokea Abu Huraira kuwa Mtume (Swalla Llahu ‘alayhi wasallam) amesema: [Kuwa Malaika wanapokezana usiku na mchana wakikutana katika swala ya alfajiri na al-asri, kisha wanakwenda wale walio kuwa ni wa usiku. Na mola akiwauliza naye akijua; mumewaacha vipi waja wangu? Wakijibu; tumewaacha wakiswali na tukawajia hali ya kuwa wanaswali].

Wito wa Kuwajibika kwa Maneno Mazuri

Kuwajibika kwa maneno mazuri ni sababu ya kufaulu na kusamehewa madhambi na kupata radhi zake Mola kwa ajili hiyo anasema Mola:

قال الله: {يَا أَيُّهَا الَّذِينَ آَمَنُوا اتَّقُوا اللَّهَ وَقُولُوا قَوْلًا سَدِيدًا ﮭ يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًاﯞ} [الأحزاب:71:70].

{{ Enyi mlioamini, Muogopeni Mwenyezi Mungu  na semeni maneno ya haki. atakutengenezeni vizuri vitendo vyenu na atakusemeheni madhambi yenu; Na anayemtii Mwenyezi Mungu  na Mtume wake, bila shaka amefanikiwa mafanikio makubwa}}.

Mwisho

Ndugu Waislamu, Ulimi ni kiungo muhimu katika mwili wa mawnadamu. Na kikiwa kizuri basi mwili wote huwa mzuri. Ni jukumu la kila Mislamu kuulinda ulimi wake kwa kutumia katika kuzungumza mambo ya kheri, kuamrisha mema na kukataza mabaya. Tukifanya hivyo, tutakuwa tumefaidika na neema ya ulimi, na kupata radhi za Allah (Subhaanahu wa Taala). Namuomba Mwenyezi Mungu asituhisabu kwa yale tuliyoyazungumza ikiwa ni ya makosa, na kutupa ujira kwa maneno mazuri tuliyoyazungumza.